اللي يصعب عليك يفقرك

<!-- -->اللي يصعب عليك ممكن يفقرك في الشغل
خلي عندك جانب إنساني
بس متخليش الجانب الإنساني هو اللي يدير مشروعك وياخد القرارات مكانك
واحد من أصحاب المطاعم صعب عليه حال بعض العمال
قرر يوظفهم ويساعدهم ويديلهم فرصة
دفع رسوم توظيف وإجراءات ومصاريف علشان يجيبهم ويبدأ معاهم الشغل
وبعد ما بدأ التشغيل اكتشف المفاجأة
العمالة مش مؤهلة أصلًا للشغل اللي هو جايبهم علشانه
محتاجين تدريب من الصفر
ومحتاجين وقت
ومحتاجين حد يعلمهم ويتابعهم
ومحتاجين مصاريف إضافية
والمطعم محتاج يشتغل وينتج ويبيع
المشكلة إنه بقى قدام اختيارين
يا إما يستبعد العمالة غير المناسبة ويتحمل خسارة اللي صرفه
يا إما يكمل معاهم ويصرف أكتر على أمل إنهم يتعلموا
واختار يكمل
مش لأنه مقتنع إن ده القرار الصح
لكن لأنه مش قادر يتقبل إنه خسر الفلوس اللي دفعها من البداية
وهنا المشكلة الحقيقية
إنك أحيانًا بتخسر فلوس علشان مش عايز تعترف إنك خسرت فلوس
القرار الغلط مش لازم تكمل فيه لمجرد إنك دفعت تمنه

خلي عندك إنسانية
ساعد الناس
ادي فرص للتعلم والتطوير
وادّي الموظف حقه كامل
لكن متوظفش حد لمجرد إنك صعبان عليك حاله
ومتخليش العاطفة تمنعك من تقييم كفاءته
ومتكملش في قرار غلط لمجرد إنك صرفت عليه
ولو الموظف عنده استعداد وقدرة يتعلم في وقت وتكلفة مناسبين للمشروع دربه واديله فرصته
لكن لو الوظيفة محتاجة شخص جاهز من أول يوم
وظف الشخص المناسب من أول يوم
لأن المطعم مش جمعية خيرية
وفي نفس الوقت مش مكان من غير إنسانية
الإدارة الصح إنك تكون إنسان في تعاملك وحاسم في قراراتك
وافتكر دايمًا
مش كل حد صعب عليك ينفع تشتغله عندك
ومش كل فلوس خسرتها لازم تخسر فوقها علشان تعوضها
شركة بيت المطاعم
متخصصون في تأسيس وتشغيل وتطوير المطاعم ومشاريع الإعاشة
دراسات الجدوى والتقييم قبل الاستثمار
التوظيف واختيار وتدريب فرق العمل
بناء أنظمة التشغيل وقياس أداء الموظفين
ضبط التكاليف وتطوير المطاعم القائمة
التسويق وتطوير المبيعات<!-- -->